Elkartasuna

ENKANTE SOLIDARIOA 

Ebay Solidario-ren laguntzarekin, nire ibilbidean zehar bildumatuz joan naizen balio sentimental handiko objektuak jarriko ditut enkantean. Beste batzuei laguntzeko dirua biltzeko asmoz, elementu bakarrak jarriko ditut zuen eskura: Europa League-n sartzeagatik jokalariok jaso genuen Rolexa, neure botak neuk sinatuta, neure kamiseta neuk sinatuta eta baita esperientzia paregabeak ere, hala nola Anoetako VIP eremu batean partida bat ikustea, jokalariekin egoteko aukerarekin.

Enkante solidario honen irabazi guztiak Real Sociedad Fundazioaren, Mundukide Fundazioaren eta CommonGoal-en proiektuetara bideratuko dira.

Real Sociedad Fundazioaren misio nagusia kirol, gizarte eta kultur jarduerak sustatzea da. Horretarako, kirola gizartera hurbiltzen dugu; hezkuntza-erakundeekin lankidetzan ari gara kirolaren balioak sustatzeko, eta eragin sozial positiborik handiena bilatzen duten programak garatzen ditugu.

Mundukide Fundazioa, duela 20 urte Mozambike, Etiopia, Brasil, Kolonbia eta Ekuador bezalako herrialdeetan lan egiten duen GGKE euskalduna da. Arrasateko Esperientzia Kooperatiboaren bitartekoak eta jakituria partekatuz, Afrikako eskualdeko garapen sozioekonomikoa eta Amerikako antolaketa sozio-ekonomikoa indartzeko, bertako pertsona eta erakundeekin elkarlanean aritzen dena.

Common Goal, berriz, Manchester United-eko Juan Mata eta Jürgen Griesbeck buru dituen proiektu solidario bat da, eta futbolaren industriak aldaketa sozialean eragiteko balio izango duen tresna bat sortzea du helburu. Horretarako, GKEak irabazien %1 eskatzen die jokalariei, klubei eta futbol munduko gainerako aktoreei.

Proiektuak ia 150 kide ditu eta 'street football world' erakundeen sarea babesten du. Sare horrek tokiko 139 GKE biltzen ditu 90 herrialdetako 200 komunitate baino gehiagotan, eta 2 milioi gazte baino gehiagorengana iristen da.

Subasta Solidaria


 

 

Mundukide ez da besteak bezalako GKEa. Eskaintzen duen laguntza Mondragon kooperatiba ereduan oinarrituta dago. 18 urtetako ibilbidea badu ere, fundazioa osatzen duten kideek eskarmentu handia dute esparru horretan. Kooperatibetan lanean ibilitako hainbat GKEtako boluntariok eman zuten Mundukide sortzeko pausua, kooperatiba munduarenurtetako  lan esperientzia profitatuko zuen erakundea, hain zuzen.

Mundukidek pobretutako herrialdeetara eraman nahi du kooperatiben esperientziatik sortutako egiten jakitea.  Honako hauek dira elkartearen balore oinarrizkoenak : elkartasuna: ekonomia irekiko beste esperientzia batzuekin; lana, zeinari kapitalari baino askoz garrantzi handiagoa ematen zaion; eta gizartea eraldatzea, hau da, pertsona eta gizarte bidezkoagoak eta autokudeatuak helburu dituen aldaketa lortzea.